Neurrira egindako sukaldea: Symphony
Itzuli Egosketa SINFONIA PERFEKTUAREN KONPOSIZIOA
Symphony sukalde-lineak aukera ematen dio sukaldaritzako profesionalari haren sukalde industriala neurrira diseinatzeko, nahierara atontzeko eta sukaldea osatzen duten elementuak haren lan egiteko modura egokitzeko.
Diseinu bikain eta kalitate handiko elementu-, forma-, tamaina-, osagarri- eta akabera-sorta zabalak aukera ematen dute kozinatzen gozatzeko eta mokofinei atsegina emateko tresna paregabe hau pertsonalizatzeko.
Symphony linea sukalde profesionalen diseinu- eta funtzionaltasun-beharrei erantzuteko sortu da. Dotorea, moldakorra eta potentzia eta kalitate handikoa da, eta prest dago profesionalik zorrotzenen eskutik eta zorrotzenentzat diseinatua izateko.
Horrez gain, eskuragarri dagoen espazioa optimizatu eta sukaldeko lana sukaldariaren nahien eta lan egiteko eraren arabera modu eraginkorrean kudeatzeko abantaila ugari ere baditu.
Eskuragarri dagoen espazioa optimizatzea ahalbidetzen du; hartara, sukaldearen formaren eta sukaldariaren lan egiteko eraren araberako egitura egokiena hautatzen da.
Gainera, tamainaren eta formaren moldaerraztasunari esker, profesionalak neurri ezberdinetako tresnak eta makinak hauta ditzake. Horrela, ahalik eta modurik eroso eta eraginkorrenean egin dezake lan.
Horri esker, ohiko makinekin lortu ezin diren diseinuak sortzeko aukera dago, inolako sistema modular edo neurri estandarren beharrik gabe.
Gainera, akabera-material ugari daude eskuragarri; hortaz, nahierako estetika eman dakioke piezari.
Posible da gas, elektrizitate edo indukzio bidezko elementuak txertatzea, modu horretan kasu bakoitzean behar diren errendimenduak handitzeko.
Oso erraz garbitzen da, elementu guztiak biltzen dituen pieza bakarreko estalkia duelako. Elementuak konpaktuak direnez gero, Symphony sukaldeetan ez dago koipe edo zikintasuna sartzen utziko duen zirrikiturik.
Euskal Parrila paregabeak doitasunezko egosketa eta txingar naturala uztartzeko aukera ematen du. Zenbait egur- eta ikatz-mota erabilita, egosketa-prozesuan produktua aromatizatu egin daiteke. Parrilaren diseinuak tenperatura-kontzentrazio bat lortzeko aukera ematen du, eta, horri esker, egosketa eraginkorragoa lor daiteke.
Egitura bertikala duenez, txingarretan eta tenperatura ezberdinetan kozinatu daiteke Symphony-ren gainean jarrita.
Jaki erreak egiteko plantxa ezin hobea. Beroa bikain banatzen du, eta, horri esker, errazagoa da haragiak eta arrainak prestatzea. Koipeak ura herrestatuz biltzeko perimetroko sistema, elektrobalbula bidez kontrolatutako betetzea duena.
Tamaina handiko plaka da, plaka bakarrean hainbat tenperatura izateko aukera ematen duen potentzia handiko erregailua duena.
Altzairu herdoilgaitzezko parriladun erregailuak (esmaltatuak ere izan daitezke), pizteko piezoelektrikoa eta ur-herrestatze bidezko koipeak biltzeko hondakindegi-sistema.
Beharraren arabera, tamaina eta potentzia anitzetako indukzio-plakak jar daitezke, baita wok-ak eta indukzio-plantxak ere, beroa era uniformean banatu eta energia-kontsumoa murrizten dutenak.
Harri bolkanikoak AISI-18/10 motako altzairu herdoilgaitzezko hodi-formako erregailuen bitartez berotzen dira. Harriak jartzeko oinarri-sareta. Koipeak biltzeko ontzi ateragarria.
Termostato bidez kontrolatzen da; izan ere, segurtasuna eta olioaren iraupen luzeagoa bermatzen dira horrela. Horrez gain, azken xukatua errazten duen euskarri bat ere badu. Izur perimetrala jarri eta gainaldean ahoka daiteke, modu horretan hondakinak istripuz barrualdera erortzea ekiditeko.
Upelean tenperatura egonkor mantentzen duen kontrol elektroniko zehatzari eta uraren zirkulazio konbektiboari esker, poltsetan ontziratutako elikagaiak hutsean egosteko elementu sinple baina bikaina da hau, jakiak tenperatura baxuan (56 eta 95 °C bitartean) egostea ahalbidetzen baitu.
Ur-betetze automatikodun ontzia. GN neurrietako upelak jar daitezke saltsak eta hornigaiak gordetzeko
Termostato bidezko kontrola eta ur-betetze automatikoa ditu, altzairu herdoilgaitzezkoa da oso-osorik eta saskiak dauzka.
XXL tamainako jaki erre eta paella handietarako diseinatua dago.
Ura zuzenean sukaldariak behar duen tokira eramatea ahalbidetzen du, lekualdatzerik eta esfortzurik gabe, eta beraz, erraztu egiten ditu lana eta ergonomia.
